حاضر سائين (فلم): ڄاموٽ فلمز جي طرفان پيش ڪيل هيءَ سنڌي فلم، 26 آگسٽ 1979ع تي فلمي سئنيما ۾ رليز ٿي. هن فلم جي ڪهاڻي لکندڙ، پروڊيوسر ۽ هدايتڪار ايس. گُل هو، جڏهن ته موسيقار غلام حيدر هو. هن فلم ۾ ايس. گُل، سعيد، احمد علي، وسيم، قمر ميمڻ، شهنيلا قريشي، شبانه ناز، روشن عطا، بينا، گاجن قريشي، نور محمد لاشاري، ملڪ انوکو، سُندري ۽ سيد سليمان شاهه اداڪاري ڪئي. هيءَ فلم تاج محمد سئنيما ڪراچي، شهاب سئنيما حيدرآباد، شاليمار سئنيما حيدرآباد، ايمپائر سئنيما لاڙڪاڻي ۽ سُهڻي سئنيما جيڪب آباد ۾ پردي تي ڏيکاري وئي. فلم جو موضوع نج سنڌي سماج جي عڪاسيءَ تي ٻَڌل هو. هيءَ فلم ڏسندڙن ۾ مقبول وئي.